На социјалните мрежи многу се расправа за дестинацијата за летување, цената на храната, пијалоците, лежалките на омилените летувалишта, но и кога е вистинското време да се одморите и да одите на плажа.
Вакви контроверзии можеме да читаме речиси секојдневно во групи на социјалните мрежи, а овој пат дискусијата започна во групата Грчка инфо на Фејсбук откако еден турист напиша дека отишол на море во јуни годинава и никогаш повеќе нема да оди во јуни.
– Сега дојдов на море во јуни и никогаш повеќе. Надвор е ладно, а во водата уште повеќе. Ветерот дува. Цел живот одев на море во средината на јули. Сега најдов да се правам паметен. Слушнав некои дека се капат и во мај. Па, и јас се избањав во јануари кога бев во Солун, но во бања – напиша тој во објавата и со тоа го постави прашањето кога е најдобро време за летен одмор.
Некои членови на групата во коментарите под објавата напишаа дека се согласуваат со него, и дека никогаш не одат на море во мај или јуни пред сезоната.
– Во јули три пати бевме во Пефки. Ја сакаме плажата Елиника, на околу 18 километри од Пефки. Се е убаво. Поволни цени. Вистинска Грција, но водата ладна. Само јас се бањав, моите не – стои во првиот коментар:
– Секогаш одам во Паралија по 20, 30 дена на крајот на јули и почетокот на август, но една година отидов двапати. За прв пат кон крајот на мај. Мојот пријател имаше изгореници од сонце, а во Србија се носеа јакни, па се зависи од годината – пишува во друга објава.
Сепак, една членка на групата напишала дека таа веќе била на море на крајот на мај и дека се капела.