Синот на легендарниот Енцо Ферари, Пјеро, со една реченица открил каква е здравствената состојба на Михаел Шумахер. Седумкратниот светски првак, пред нешто помалку од осум години, доживеа тешка несреќа во француските Алпи.

Од тој 29.декември 2013 година, нема детални информации за состојбата на Шумахер. Семејството не дозволува никакви информации да дојдат до медиумите. И документарниот филма на „Нетфликс“, чија премиера се одржа на 15.септември не откри ништо за здрвствената состојба на Германецот.

Пјеро Ферари, потпретседателот на компанијата, говорел за деновите на Шумахер во славниот тим.

„Секогаш со радост се сеќавам на деновите кога Михаел возеше. Тој беше едноставен, искрен и чесен човек. Уживав во разговорите со него. Михаел не е мртов, тука е со нас, но не може да комуницира“, рекол Пјеро Ферари.