Вчера, во 15 часот, во СВР Скопје било пријавено дека на крстосницата од регионалниот пат Скопје – Велес и регионалниот пат с. Јурумлери – с. Суводол се случила сообраќајна несреќа помеѓу товарно возило „ивеко“, со кумановски регистарски ознаки, управувано од Д. Т. (61) од Куманово, и патничко возило „ситроен берлинго“, со скопски регистарски ознаки, управувано од Г.И. (50) од с. Јурумлери.
„На местото на несреќата од добиените повреди починал Г.И., а смрт констатирал лекар од Итната медицинска помош“, велат од МВР. Увид на местото извршиле јавен обвинител и екипа од СВР Скопје.