Телото кое беше пронајдено во морето на 120 километри од Атина, а за кое постои сомневање дека е Радован Јурачиќ, српски државјанин кој исчезна пред две недели, само од чиста среќа не заврши во масовната гробница каде грчките власти ги закопуваат мигрантите, а тоа е затоа што имал бројаница.

Како што дознава „Блиц“, грчката полиција се сомнева дека Јурачиќ се удавил, а според неофицијални информации, нивните тврдења ги потврдува и тоа што тетоважите на човекот чие тело е извлечено од морето се совпаѓаат со описот на тетоважите на исчезнатиот Србин.

-Грчките власти мислеа дека телото што беше извлечено од водата е на мигрант. Меѓутоа, тогаш ја забележале бројаницата на неговата рака, што им укажало дека сепак не е така. Тогаш почнаа со истрага – вели изворот на „Блиц“.

За да се уверат грчките власти во нивните сомнежи, преку Интерпол ќе трагаат по ДНК на семејството на исчезнатиот Радован, што треба да им помогне да ги расветлат сите околности и да го потврдат идентитетот.


Во исто време, полицијата на бродот на кој се качил го пронашла пасошот на Радован.

-Тоа е чудно бидејќи го пребаруваа бродот две недели. Семејството на Радован бара камери за видео надзор за да утврди што се случило кобната ноќ. Она што ја отежнува истрагата е тоа што на бродот имало само една камера и тоа во барот. Исто така, не се знае како можел да падне од бродот во морето, бидејќи кога ќе паднеш од бродот, паѓаш директно на палубата – вели извор на „Блиц“ запознаен со случајот.

Како што напиша „Блиц“, претходно биле пронајдени чанта и телефонот што одговара на описот на семејството на исчезнатиот Радован. Неговите работи треба да ги препознае кумот на Радован.


Да потсетиме, Радован Јурачиќ (44) од Кикинда исчезна на 29 мај кога вечерта се качи на брод во Атина за островот Кос. Кобниот ден се качил на траектот во Атина околу 18 часот. Два часа подоцна, поточно околу 20 часот, се слушнал со сопругата Драгана, на која и кажал дека се качил на траектот за Кос.

Неговата сопруга Драгана Јурачиќ претходно истакна дека повикот потоа бил прекинат бидејќи врската била лоша, а нејзиниот сопруг оттогаш не се јавил.


– Му се јавив во вторникот околу 7 часот наутро, но тој не се јави, а околу 12 часот телефонот беше исклучен и веќе нема сигнал. Последен пат беше лоциран на Родос – изјави тогаш таа.