Хрватската водителка Ивана Параџиковиќ ја објави приказната за нејзината пријателка Мирела Чавајда, која е бремена и неодамна дознала дека нејзиното неродено бебе има тумор, а лекарите одбиваат да извршат абортус, тврдејќи дека според законот не смеат да го сторат тоа.
Параџиковиќ на Инстаграм сподели фотографија од Мирела која е во шестиот месец од бременоста и побара помош.
– Ова е мојата пријателка во шестиот месец од бременоста. 25 недели среќа, возбуда и исчекување ги прекина еден вообичаен вторник при редовен преглед кај гинеколог. Бебето на Мирела има тумор. Многу голем тумор. Во писмото за отказ пишува малиген. Тој толку многу напредувал во последните четири недели што шансите за преживување на бебето се … нула. Ако случајно преживее, ќе има тешки вродени физички или психички дефекти – започна Параџиковиќ.
Таа објаснува дека туморот се наоѓа на главата и притиска на малиот мозок, односно практично е поголем од него самиот.
– Таква ранета и скршена жена со прогноза која ниту една мајка не може да ја слушне или прифати, ја испратија дома да чека да умре бебето во неа. Друга опција која докторката и ја шепна под глас беше: нека оди во Словенија да и помогнат таму. Како некој криминалец. Да се моли во друга земја лекарите да и помогнат затоа што во нејзината држава не можат! Зарем не сакаат?, праша таа.
Како што вели, во Хрватска е на сила законот од 1978 година, кој е нејасен и нецелосен и смета дека тоа е прашање со кое никој нема да се занимава.
– Но, се прашувам тој некој што одлучува за туѓ живот, дали некогаш и погледнал во очи на трудница која треба да чека со месеци за детето да и почине во утробата?! Погледнете ја. Таа е скршена одвнатре, а толку е силна и храбра … што застана пред камерата. Сакаше да ја видите нејзината тага и да се запрашате која друга држава би ја осудила на таква агонија? Вашата сопруга, сестра или можеби ќерка?, праша таа.
„Која од нас е следна?“, додаде таа на крајот.