Повторно ескалираше во Косово. Еден полицаец е убиен, друг е ранет, нападнати биле од група од 30 луѓе „вооружени до заби“, соопшти косовскиот премиер Албин Курти. Тој ги обвини Србите за нападот и прстот го впери кон Белград. Попладнето косовската полиција соопшти дека еден од напаѓачите е мртов.
Курти на прес-конференцијата покажа фотографии од луѓе во униформи и оклопни возила без јасни ознаки во Бањска. Лицата во униформи се вооружени, Курти не дефинираше кој е на фотографиите, но рече дека српското локално население нема такви возила.
Групата што ја нападна полицијата ја нарече „професионална“. – Ќе спроведеме истрага за подобро да ги разбереме овие униформи – рече тој.
Претходно, Рашко-призренската епархија во Бањска соопшти дека вооружени лица со оклопно возило упаднале во Бањскиот манастир.
– Група вооружени и маскирани лица со оклопни возила влегле во манастирот. Внатре има верници од Нови Сад и свештеник – соопштија од епархијата.
Оттаму додаваат дека Епархијата најостро го осудува отвореното насилство што се применува во верскиот објект на СПЦ, повикувајќи ги сите страни што поскоро да го прекинат конфликтот.
