Едно лице загина во тешка сообраќајна несреќа на автопатот Бањалука-Лакташи, потврдија од полициската управа Бањалука.
Портпаролката на полицијата во Бањалука Данијела Мучибабиќ изјави дека околу 12:05 часот полициски службеници постапиле по пријава дека на главниот пат Бањалука-Лакташи се случила сообраќајна несреќа, пишува РТРС, пренесува Српскаинфо.
– Во тек е истрага.Според досегашните информации, едно лице загинало, додека едно лице е тешко повредено. Повеќе информации ќе бидат познати по завршување на истрагата – рече Мучибабиќ.
Во сообраќајката учествувале возило од Итната медицинска помош и автомобил марка шкода.
– Видов дека на повредените им се помага на местото на несреќата – изјави очевидецот.
По судирот Брзата помош се превртела.
Поради несреќата сообраќајот на оваа делница од автопатот се одвива отежнато. Во тек е истрага за утврдување на точните околности на несреќата.
