Тони Ангеловски, гласноговорникот на МВР, во емисијата „Утрински брифинг“ потврди дека мобилните камери кај сообраќајните полицајци веќе се во функција и благодарение на тоа не може да се поништат со фаќање врски пропишаните казни.
„Нема никаква можност да се „скине казна“. Дополнително воведовме, благодарејќи на амбасадатата на САД, мобилни камери кои што ги носат полициските службеници во сообраќајната полиција и целот разговор со вас се снима. Тој оди во базата на МВР и тој стои документиран“, рече Ангеловски во емисијата.
Портпаролот рече дека за време на продолжениот викенд биле изречени над 1800 санкции, а голем дел од овие санкции се за возење од дури над 70 км/ч над дозволеното.