![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
Заврши обдукцијата на 33 годишната жена која почина на КАРИЛ, а за која семејството обвинува за несовесно лекување додека била оперирана на Гинеколошко акушерската клиника.
За неа, семејството обвини дека и биле пресечени цревата на четири места за време на операција на ГАК, нешто кое што од гинеколошко акушерската клиника негираат дека се случило и посочуваат дека руптурата на тенкото црево е спонтана, а не предизвикана од оперативниот зафат што и бил изведен поради голем тумор на матката.
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
Според гинекологот и директор на Клиниката за гинекологија, доктор Викторија Јовановска, локацијата каде се одвивал оперативниот зафат, не е блиску до местото каде што настанала руптурата и таа руптура не е поврзана со конкретната операција.
Директорот на Судска Медицина, доктор Александар Станков за „Слободен печат“ потврди дека обдукцијата завршила, но ни рече дека не е доволна за да се утврди причината за смртта, без да се погледне медицинската документација од клиниките каде пациентката била третирана.
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
-Неофицијално дознаваме дека во обдукциониот наод, констатирано било воспаление. Станков вели дека наскоро ќе биде известено обвинителството за наодите од судска медицина и ќе мора да се прават дополнителни вештачења за кривичната пријава за несовесно лекување што ја поднесе семејството на пациентката. Меѓутоа, директорот на судска медицина е дециден дека лекарска негрижа не се докажува ни преку медиумите ни преку социјалните мрежи туку на суд. Тој рече дека не е можно од обдукцијата да се констатира лекарска негрижа, туку таа процедура трае долго време, објави весникот.
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
Семејството поднесе кривична пријава против непознат сторител за несовесно лекување за која ќе се прават дополнителни вештачења од оние кои досега се направени.