НАУЧНИЦИТЕ ОТКРИВААТ: Зошто некои луѓе не можат да се заразат со корона, иако биле во контакт со инфицирани?

Резултатите од новата студија објавена во списанието Nature објаснуваат зошто некои луѓе се отпорни на КОВИД-19 дури и ако живеат со лице кое е заразено.

Всушност, меѓународниот тим на лекари се уште се надева на конкретен одговор на ова прашање и сака да утврди дали можеби постојат одредени гени кои треба да се проучуваат за да се развијат нови третмани кои би можеле да помогнат во борбата против болеста.

– Оваа група на луѓе се разликува од оние чиј имунитет успешно се бори со вирусот кога ќе се заразат или оние кои доживуваат многу благи симптоми или се вакцинирани – изјави д-р Дон Вин, специјалист за заразни болести.

Ако вирусот не може да се поврзе со клетките и да се размножи, имунолошкиот систем воопшто нема да го забележи вирусот. Научниците мислат дека токму тоа може да им се случи на луѓето кои се отпорни на вирусот.

Вин е експерт од Канада кој ги собрал оние кои биле изложени на вирусот, но не се разболеле и оние чиј имунолошки систем не покажува знаци на пенетрација на вирусот.

ШТО Е ВО ПРАШАЊЕ?

– Има луѓе кои доаѓаат во болница болни со силни симптоми, но во нивното домаќинство има лице кое е сосема добро, кое било тестирано и кое не покажало знаци на инфекција – додава тој.

Наведе и дека целта на овој проект е да се развијат третмани кои ќе можат да ја спречат инфекцијата уште на самиот почеток и смета дека тие би биле многу поефикасни од вакцините, бидејќи би можеле да ги користат луѓе кои не сакаат да се вакцинираат.

– Кога би можеле да го запреме овој почетен процес, процесот на инфекција, би можеле да дознаеме како да ставиме крај на пандемијата – објаснува Вин.

Бидејќи веќе има собрано 1.000 луѓе, планот е да се спореди контролната група со оние кои биле изложени на инфекција, со цел да се идентификуваат гените кои можат да го спречат развојот и размножувањето на вирусот.

Откако ќе се идентификуваат овие генетски варијации, фокусот ќе се префрли на протеините произведени од гените и прашањето дали тие нудат заштита од инфекција.

ЗОШТО Е ВАЖНО ОВА ИСТРАЖУВАЊЕ?

Низ човечката историја имало примери на луѓе кои биле изложени на вируси како маларија, ХИВ и норовируси, но никогаш не биле заразени.

– Кај сите овие инфекции гледаме дека има групи на луѓе кои биле изложени на вирусот, но сепак останале здрави, а потоа молекулите одговорни за отпорноста биле изолирани и некои биле користени во терапии со лекови – заклучува докторот.