Ден по трагедијата што се случи вчера, кога во сообраќајна несреќа на патот Заjечар-Неготин загинаа таткото Марко Ѓорѓевиќ (38) и неговиот осумгодишен син Н.Ѓ. во Бор владееше тишина. Пријателите на семејството Ѓорѓевиќ имаат само пофални зборови и не можат да се вразумат од шокот откако ја добиле трагичната вест.

– Го познавав Маркo, ја познавам i неговата сопруга. Toa се прекрасни луѓе. Марко беше исклучително вреден и добар човек. Кога ја слушнавме оваа тажна вест сите се шокиравме – велат пријателите на загинатиот.

Како што нагласуваат пријателите, Марко е роден во Књажевац.

– Вчера отидоа во селото на слава, кога се случи оваа страшна несреќа. Марко дојде на работа во Бор. Отсекогаш бил вреден и што и да правел, напредувал во бизнисот. Неговата сопруга е исклучително добра и љубезна личност. Како што слушнавме, таа не била вработена, а Марко бил семеен човек и многу паметен – раскажуваат познаници.

Марко работел во фабриката за транспорт при ТИР во Бор, каде неговите колеги го опишуваат како исклучителен работник. Како што истакнуваат колегите, тој имал околу 10 години работно искуство.

– Марко беше одличен машиновозач. Беше многу добар работник и како колега и како човек. Токму поради тоа што беше исклучителен работник, пред месец и половина беше унапреден во раководител на секторот за железнички сообраќај. Имаше големи планови, сепак сакаше да се подобрува на работа. Често одеше во родниот град, го сакаше тоа место. Можам да кажам дека беше извонреден работник, сите го ценевме и почитувавме на работа. Освен тоа, тој беше многу добар човек – велат колегите.

Бремената сопруга и другото дете се уште се во болница

Според познаници, сопругата на Марко е во четвртиот месец од бременоста. Од болницата во Бор потврдија дека таа е во стабилна состојба.

– Беа толку среќни кога сопругата на Марко дозна дека е бремена. Се уште не можеме да се смириме кога слушнавме дека Марко и неговиот син настрадале – велат колегите.

Да потсетиме, Марко управувал автомобил „ауди“ и од здобиените повреди починал на лице место, додека неговиот осумгодишен син им подлегнал на повредите во Општата болница. Во автомобилот во моментот на несреќата биле сопругата на Марко и постариот син (13), кој се здобил со скршеница на бутната коска и бил пренесен во Клиничкиот центар во Ниш.

Полицијата синоќа соопшти дека е уапсен Р.Б.(63) од Чиќевац поради сомнение дека сторил кривично дело тешки дела против безбедноста на јавниот сообраќај.

– Осомничениот кој управувал со камионот се товари дека не му дал првенство на минување на 38-годишниот возач на автомобилот „ауди“ на патот Бор-Зајечар, по што се судриле две возила во кои две лица загинале, а две беа повредени. Од здобиените повреди возачот на „аудито“ починал на лице место, додека осумгодишното дете кое било сопатник во тоа возило, им подлегнало на повредите во болницата Бор. Уште двајца патници од „аудито“ се пренесени во болница каде им била укажана лекарска помош. По наредба на Основното јавно обвинителство Бор, на осомничениот му е одредена мерка притвор во траење до 48 часа, по што со кривична пријава ќе биде изведен кај обвинител – се наведува во полициското соопштение.

Како што неофицијално дознаваат српските медиуми, тахографот на камионот покажал дека тој возел со 30 km/h. Утврдено е дека никој немал алкохол во крвта и дека сите се соодветно врзани.

На овој дел од патот каде што се случи сообраќајната незгода, дозволената брзина за сите учесници во сообраќајот е 50 км/ч.

Инаку, тој пат е многу фреквентен, а на тој дел од патот има голема фреквенција на товарни возила.