Вистинска драма се одиграла во еден ресторан во Крагуевац, кога група вооружени млади лица упаднале во објектот и со закани со пиштол почнале да ги истеруваат гостите.

Според информации од очевидци, инцидентот траел околу половина час, при што во локалот имало повеќе од 100 гости кои биле видно исплашени и затекнати од ситуацијата.

Во текот на нападот, едно момче било тешко повредено откако било удрено со стаклено шише во главата.

Целиот настан бил снимен од безбедносните камери во ресторанот, а снимките веќе се предадени на полицијата.

Полицијата интервенирала на местото и привела тројца осомничени, идентификувани со иницијали Н.Л., М.Ј. и И.Ј. Сепак, и покрај бројните сведоци и видео-доказите, тие по сослушување биле пуштени на слобода, што предизвикало револт кај присутните.

Истрагата за случајот е во тек.