Најмалку 69 лица загинаа, а 57 беа повредени кога колумбиски воен авион се урна кратко по полетувањето во неделата, објави Ројтерс, повикувајќи се на официјално соопштение од колумбиските вооружени сили.

Транспортниот авион Ц-130 Херкулес, произведен од американската компанија Локид Мартин, полетал со 126 лица од Пуерто Легуизамо и требало да лета до Пуерто Асис, недалеку од границата со Перу.

Ранетите се хоспитализирани, соопштија колумбиските вооружени сили. Останките од жртвите се испратени во Богота, каде што ќе бидат идентификувани од страна на форензички експерти и предадени на семејствата на починатите.

Истражителите сè уште работат на утврдување на причините за несреќата.