Првите овогодинешни јагоди од Вргорац, кои вчера почнаа да се продаваат на загрепскиот пазар Долац, ја продолжија традицијата на уривање ценовни рекорди.
Килограм јагоди кои неодамна добија и заштита се продаваат за 8 евра или околу 60 куни. За специјално пластично канче, кое сега е со зелена наместо традиционалната сина боја, цената изнесува 4 евра за 500 грама.
Истовремено на соседните штандови за 4 евра може да се купат цел килограм грчки јагоди кои се продаваат од крајот на март. Станува збор за истите рани сорти на clery и jolly.
– Во трговските центри се уште нема локални јагоди, а цената на грчките и шпанските е околу 3 евра, објавија хрватските медиуми.
Јагодите од Вргорац и лани во април беа и двојно поскапи од увозните, кога нивната цена беше 50 куни за килограм.
