Слаѓана Шушљик Ѓурчев (35) од приградската новосадска населба Кач, кој загина во тешка сообраќајна несреќа во понеделникот наутро на магистралниот пат Ужице-Пожега, кај Севојно, работела како воспитувачка во предучилишната установа „Радосно детство“ во Нови Сад.

Во оваа тешка сообраќајна несреќа нејзиниот сопруг Немања (38) со сериозни повреди беше префрлен во Општата болница во Ужице, додека за среќа нивното дете се здоби со полесни повреди.

– Момчето е, фала му на Бога, добро. Отидоа да го земат за да го изнесат од болницата, вели еден роднина за српските медиуми.

Слаѓана работела во градинката „Бубамара“, во новосадската населба Клиса.

– Сите сме во шок. Никој не може да поверува дека нашата Слаѓа ја нема. Таа беше омилена во тимот, каде што е скоро четири години. Да не спомнувам колку беше омилена меѓу децата. Прекрасна личност, невозможно е со зборови да се опише за каква добрина станува збор. Таа беше на одмор, се враќаше од море со нејзиниот син и сопругот и навистина е страшно што се случи. Верувајте ми, сите сме во шок, вели една колешка на Слаѓана од градинката „Бубамара“.

Слаѓана настрада откако на главниот пат кај Севојно се судрија автомобил и автобус, при што тешко беше повреден и нејзиниот сопруг.

Причината за несреќата сè уште се утврдува, а засега нема други претпоставки освен дека нејзиниот сопруг Немања заспал зад воланот, по што нивниот автомобил „Рено Сеник“ удрил директно во автобусот.