Една фризерка од Сиднеј, којa има дозвола за отстранување вошки, сподели застрашувачко видео од тинејџерка чија коса е полна со вошки.
Како што може да се види на видеото, вошките лазат низ нејзините долги прамени на лицето и вратот, пренесува Daily Mail.
Рејчел Марон (21), која живее во Сиднеј, работи како техничар за вошки. Ја посетила 13-годишно девојче со долга кафена коса. Таа долго време се бори со милиони паразити во косата.
Кога пристигнала, Марон била шокирана од сериозноста на овој случај и ја покажала косата на тинејџерката во која имало стотици гниди (јајца од вошки), како и вошки кои лазат по нејзината глава.
Во видеото, кое го сподели со своите 1,7 милиони следбеници на TikTok, фризерката ја сними косата на клиентката и се прашува дали ќе мора да ја скрати и избричи девојката.
-Кога вака ќе ми дојде клиент, мислам какво проклетство е ова, напиша таа во објавата.
Овозможувајќи им на гледачите да ги погледнат вошките, кои може да се видат како лазат една до друга, Марон додала дека понекогаш ги бричат главите, но дека овој пат не сакала да го направи тоа бидејќи 13-годишното девојче има долга коса.
Објавата која оттогаш собра 74 милиони прегледи, ги шокираше следбениците.
-Мислам дека на нејзината глава имаше повеќе вошки отколку прамени коса, изјави фризерката која се занимава со истребување на вошки.
Таа призна дека ситуацијата била премногу тешка, но гледањето јасни резултати на крајот е она што ја прави нејзината работа исплатлива.
По третманот, Марон изјавила дека младата девојка не можела да престане да се смее и да ја допира нејзината коса, а тоа го опишала како „неописливо олеснување“.
-Можноста да и се види скалпот беше пресвртна точка, но фактот што нејзината долга коса беше целосно чиста е она што го направи целиот процес највреден, рече таа.