Хрвоје Ковачец (26) денеска во Жупанискиот суд ЗАГРЕБ е неправосилно осуден на две години и осум месеци затвор за убиство на својот татко. На затворската казна на момчето му е додаден и едномесечен престој во истражен затвор, одредено задолжително лекување од зависност од алкохол, а мора да плати и 21.951 евра судски вештачења.
Обвинителството првично го обвини младиот човек за убиство, но во текот на судскиот процес, а врз основа на изведените докази, судскиот совет го промени фактичкиот опис на делото, преквалификувајќи го во усмртување, бидејќи осудениот бил доведен до ситуација на „долгогодишно страдање“ поради постапките на неговиот татко.
Судскиот совет со кој претседаваше судијката Рената Пражетина Калеб утврди дека Ковачец е виновен за одземање на животот на сопствениот татко Звонко Ковачец (56), додека како олеснителна околност беше сметано што момчето претходно било неосудувано.
Според обвинението, Хрвоје Ковачец со два убоди со кујнски нож го убил својот татко вечерта на 29 декември 2021 година во семејната куќа во Хум на Сутла. Неговиот татко со години ја навредувал и тепал мајката на осудениот, на што сведочеле и неговите сестри, а единствен кој вербално му се спротивставил поради честите закани било сега осуденото момче.
Хрватските медиуми направија анкета за изречената казна за момчето, а резултатите се следни:
