Во тек е седницата на Централниот одбор на СДСМ на која се разгледува оставката на актуелниот претседател на партијата Зоран Заев, кој пред членовите на ЦО рекол дека не се повлекува од одлуката за оставка и од лидерската позиција од партијата и од премиерската функција.
Тој за свој наследник го предложол Димитар Ковачевски, актуелен заменик министер за финансии, објави вечерва порталот МКД.мк.
Пред седницата на ЦО, заседаваше и Извршниот одбор на СДСМ. Сите членови на ИО биле против оставката на Заев, но на крај сепак била донесена одлуката за одржување на внатрепартиски избори за претседател на СДСМ на 12 декември.
Седницата на ЦО е во тек.
На последната средба на Заев со лидерот на Алтернатива Африм Гаши, на изненадување на многумина присуствуваше и Димитар Ковачевски.