Познат новинар го шокираше светот: Еве од каде ќе започне копнениот напад на САД врз Иран – одговорот ќе биде каков што “човечките очи до сега не виделе”

Либанскиот новинар Хасан Илаик тврди дека евентуална воена интервенција на САД против Иран би можела да започне од територијата на Обединетите Арапски Емирати.

Според неговите информации, ваквото сценарио се разгледува доколку поранешниот американски претседател Доналд Трамп донесе одлука за напад. Тој наведува дека Иран наводно добил разузнавачки податоци за можната рута на нападот од една голема држава.

Илаик, кој долго време работел за либанскиот весник „Ал-Ахбар“, медиум поврзан со Хезболах, предупредува дека одговорот на Иран во таков случај би бил исклучително жесток и „невиден“.

„Разузнавачките податоци што Иран ги добил од една голема земја укажуваат на скор почеток на американска инвазија на иранските острови во близина на Ормутскиот теснец, која ќе се одвива од територии под контрола на емиратскиот режим. Совет до пријателите во ОАЕ: кога оваа инвазија ќе започне, брзо напуштете ја земјата, по копно – кон Оман или кон Саудиска Арабија. Почетокот на оваа инвазија ќе го направи иранскиот одговор кон емиратскиот режим нешто што ниту едно око не го видело, ниту едно уво не го чуло, а ниту еден ум на Бин Зајед не го замислил“, порача новинарот, алудирајќи на владејачкото семејство во Емиратите.

Овие тврдења доаѓаат во период на сериозна ескалација на тензиите на Блискиот Исток, каде што веќе има судири и напади меѓу Иран и неговите противници, вклучително и цели во земјите од Заливот.

Сепак, важно е да се нагласи дека станува збор за тврдења на новинар, а не за официјално потврдени информации од државни извори.