Пејачот Ацо Пејовиќ настапи во Долината на среќата во Босна, а неговиот концерт во еден момент беше прекинат поради посебна причина. Имено, на неговиот настап дојде девојчето Алмира, чиј живот пејачот го спасил пред 10 години давајќи пари за нејзиното лекување.
Пејовиќ не знаел што го чека кога водителот рекол дека има изненадување, а кога го слушнал името на девојката не можел да ги задржи солзите.
– Имаме одлична причина да го прекинеме концертот. Колку го сакате Аца? Луѓе, после ова ќе го сакате уште повеќе. Многу луѓе ме замолија вечерва да се сликаат со Аца, но само една девојка може. Една девојка ќе се слика, се вика Алмира. Ова е фотографирано пред 10 години во Болдин, Ацо и Алмира – изјави водителот и додаде:
– Ацо, се сеќаваш? Тој ги платил парите за нејзиното лекување и помогнал да ѝ го спаси животот. Таа е тука вечерва и сака да му се заблагодари на Аца на многу скромен и симболичен начин.
Пејачот силно ја прегрна девојката, а потоа ја подигна и ја бакна. Оваа сцена ги расплака сите присутни, а сето тоа заврши со неколкуминутен аплауз.