Телата на украинските цивили лежеле на улицата во Буча најмалку десет дена пред градот да биде вратен под украинска контрола, соопшти британското Министерство за одбрана во новиот разузнавачки извештај за ситуацијата во Украина.

Разузнавањето наведува дека анализата на снимката од 21-ви март 2022 година, идентификувала најмалку осум тела кои лежат на улица.

Буча беше под контрола на руската армија до-ви 31 март.

„Њујорк тајмс“ во вчерашната анализа на сателитски снимки заклучи дека телата биле на улица пред најмалку три недели додека Русите управувале со градот.