Во врска со исчезнувањето на двегодишното девојче Данка Илиќ, српското МВР се огласи откако некои медиуми објавија дека девојчето било пронајдено живо и здраво. За жал, како што рекоа од полицијата, ова не е точна информација.
– Апсолутно не е точно дека е пронајдена Данка Илиќ, апелиравме до сите инволвирани во текот на овој случај да не ја нарушуваат истрагата со непроверени информации – велат од српското МВР.
Како што дознаваат српските медиуми, полицијата и Управата за криминалистичка полиција работат со сите сили и средства со кои располагаат за да се стави крај на потрагата, затоа од големо значење е да се постапува професионално согласно ситуацијата.
Имено, како што веќе објавија медиумите, бугарската граница се наоѓа во близина на Бањско поле, местото каде последен пат била видена малата Данка, соседите стравуваат дека со оглед на тоа што во нивниот крај нема трага од девојчето, се сомневаат дека има шанса дека таа да не е во близина.
Но, како што неофицијално се дознава, полицијата прави се и истрагата се води од сите аспекти, се шири понатаму и се чекаат информации во која насока продолжува официјалната потрага.
Што се однесува до родителите на малата Данка, полицијата не можеше многу да каже.
– И двајцата беа сослушани, иако мајката на девојчето го одби полиграфот бидејќи е во друга (блажена) состојба. Чудна е целата ситуација што се случува овде, но се надеваме на најдоброто – неофицијално изјавил извор за српските медиуми.