СЕ РАЗГОРУВА КАМПАЊАТА ВО МАКЕДОНИЈА: Невзат Бејта му удрил шлаканица на Валдет Џафери?

Потпретседателот на ДУИ Невзат Бејта му удрил шлаканица на Валдет Џафери, кој е шеф на огранокот на ДУИ во Гостивар, објави тетовскиот портал Фол.

По судирите и тепачките во Струга, поделбата меѓу противниците на Европскиот фронт продолжи и во гостиварскиот огранок, објави порталот на албански јазик Фол.

Додека претходно во Струга дошло до судир меѓу симпатизери на ДУИ и симпатизери на Зијадин Села, во Гостивар се случила физичка пресметка меѓу Невзат Бејта, кој е потпретседател на ДУИ, и Валдет Џафери, кој е шеф на огранокот на ДУИ во овој град, пишува Фол.

Како што дознава порталот, Невзат Бејта и Валдет Џафери првично имале вербална пресметка која потоа ескалирала по што Бејта му удрил шлаканица на Џафери.

Според порталот судирите во ДУИ почнаа по судирот на оваа партија со ДПА, Зијадин Села и со многу други новоформирани партии, а причина за препукувањата се позициите и политичкиот простор кој е многу тесен поради големиот број партии во коалиција предводена од ДУИ објавува Фол.