Украинецот Окелсандер Усик го победи Тајсон Фјури во боксерскиот спектакл во Ријад, Саудиска Арабија и на тој начин стана неприкосновен шампион во тешка категорија. Фјури беше првак во ВБЦ категоријата откако во 2020 година го победи Деонтеј Вајлдер, а Украинецот ги имаше во своја сопственост појасите од ВБА, ВБО и ИБФ верзиите, откако во 2021 година беше подобар од Ентони Џошуа.

Сега Усик може да се пофали дека е апсолутен владетел во боксот во тешка категорија. Тој е првиот боксер во 21 век што ги обединил сите појаси. Тоа се немаше случено од 1999 година кога Ленокс Луис ги обедини титулите.

Усик ја доби пресметката во Ријад и тоа по исцрпувачки 12 рунди, со поделена одлука на судиите. Двајца од судиите оценија дека Украинецот бил подобар, а еден арбитар предност му даде на Фјури.

По почетните испитувања на силите Усик му зададе неколку удари на Фјури, додека Британецот правејќи гримаси на лицето се обидување да го деконцентрира противникот и ја забавуваше публиката.

Без мнгоу возбудувања течеше мечот, кога Фјури во шестата рунда реши да доминира, зададе неколку опасни удари и покажа зошто е во мечот за обединување на титулите. Потоа повторно следуваше рунда со малку возбудувања, за да во осмата рунда, Усик му го зададе можеби најсилниот удар на Фјури. Украинецот продолжи да доминира и во следната рунда, а ѕвончето за крај на рундата го спаси Фјури од пораз.

Чувствувајќи дека се стекна со доволна предност Усик потоа повеќе тактизираше, а како што се очекуваше во последната рунда имаше отворен фајтерски дел во кој двајцата боксери си зададоа неколку удари, но на крајот издржаа во рингот, па судиите беа тие што мораа да решат за победникот, а тоа на крајот беше Украинецот Усик.

Фјури после мечот: Јас сум победникот, неговата земја е во војна, па му ја дадоа победата – баш лошо

Александар Усик го победи Тајсон Фјури со поделена одлука во феноменалната борба на векот и ги обедини сите титули во тешка категорија. Двајца судии ја бодуваа борбата 115-113 и 114-113 во корист на Усик, додека еден судија даде 114-113 во корист на Фјури.

Британецот, кому ова му е прв пораз во кариерата, не беше задоволен од судиската одлука и верува дека ја заслужил победата.

„Мислам дека јас сум победникот во оваа борба. Тој победи неколку рунди, но јас победив повеќе. Но, неговата земја е во војна, па тие застанаа на негова страна и му ја дадоа победата. Ова беше една од најлошите одлуки во историјата на боксот.

Сега ќе одмориме малку, а потоа ќе се видиме на реваншот во октомври. Јас сум победник во оваа борба, но нема да седнам сега, да плачам и да барам изговори. Ќе се вратам и одиме повторно во рингот“, изјави Британецот.