Конечно се појавија нови информации за состојбата на Михаел Шумахер – за жал не се позитивни

Состојбата на легендарниот Формула 1 возач Михаел Шумахер останува непозната со оглед на малиот број на информации споделени од неговото семејство.

Во морето на гласини се појави уште една, овој пат дадена од страна на стручњакот за мотоспорт, Крејг Скарборо кој даде изјава потпирајќи се на извор близок до Германецот.

„Разговарав со некој кој му е многу, многу близок и ми објасни дека никогаш повеќе нема да слушнеме ништо од Михаел Шумахер. Тој е во удобна позиција колку што е можно со неговата здравствена состојба“, изјави Скарборо кој откри и добра вест дека Шумахер неодмана станал и дедо откако се породи неговата ќерка Џина.

Тој додаде дека сега е јасно дека „светот мора да се навикне дека повеќе нема да ја види блескавата насмевка на Шумахер“.