Трагична несреќа се случила во германскиот град Пејне откако жена го загубила животот додека се обидувала да се качи во контејнер за користена облека.
Според претходните полициски извештаи, вратот на несреќната жена во тој обид се заглавил во отворот на контејнерот, поради што изгубила свест. И покрај напорите на спасувачите, тие можеа само да констатираат нејзината смрт. Сè уште не е познат идентитетот на починатата жена.
Во текот на полициската истрага било откриено дека жената имала свежа лузна од царски рез, што предизвикало дополнителна загриженост кај инспекторите. Имено, постои можност жената да го оставила малото дете само во станот, поради што детето би можело да биде во животна опасност.
Полицијата интензивно го истражува случајот за безбедност на потенцијално загрозено дете.
Германските медиуми јавуваат дека случајот предизвикал голема загриженост во локалната заедница, а сите кои би можеле да имаат какви било информации за починатата жена или нејзиното семејство се повикуваат да се обратат во полиција.