Рускиот претседател Владимир Путин повтори дека Владата во Киев мора да ги (1) признае самопрогласените „народни републики“ Луганск и Доњецк како услов за завршување на „воената операција“ во Украина, соопшти Кремљ.
Киев, исто така, (2) мора да го признае суверенитетот на Русија над Крим и да се (3) обврзе дополнително да се откаже од нуклеарното оружје во иднина, соопшти Кремљ.
Покрај тоа, Украина, (4) мора да биде демилитаризирана и да (5) усвои неутрален статус, нагласи Путин.
Тоа е прва изјава од ваков вид откако претставниците на Украина и Русија одржаа мировни преговори во Белорусија во понеделникот.