Српската пејачка Ања Ангелиќ која некогаш тежела дури 120 килограми успеала драстично да ослабне дури 60 килограми и денес изгледа сосема поинаку – како што велат, „вистинска бомба“.
Таа открила дека патот до трансформацијата откако го смалила желудникот не бил ни малку лесен.
Како што објаснува, променила многу животни навики, а најтешко ѝ било да се прилагоди на новиот начин на исхрана и живот. Дури истакнала дека денес не може ни цела чаша вода да ја испие одеднаш, што покажува колку ѝ се сменил организмот.
Во текот на процесот се соочувала со бројни предизвици, но упорноста и дисциплината биле клучни за нејзиниот успех. Со тек на време, нејзиното тело се трансформирало, а резултатите биле очигледни.
Денес таа е задоволна од својот изглед и често ги инспирира другите со својата приказна, покажувајќи дека со доволно волја и труд, големите промени се возможни.
