(ВИДЕО) Снимка која обиколи Балканот: Маж после сообраќајка цели 12 часа висел на карпа помеѓу животот и смртта

Маж во Црна Гора излетал од патот и 12 часа висеше помеѓу живот и смртта, тешко повреден се држел за гранки.

Човек од Шавник преживеал необична несреќа кај реката Бијела во Црна Гора. Богдан Рајковиќ излетал од патот, паднал од возилото и сериозно повреден висел 12 часа над провалија, држејќи се за гранки. Возилото се запрело на дрво, а тој останал заглавен под него.

Спасувањето било драматично и ризично, а во него учествувале пожарникари од Шавник и Никшиќ. Со ограничена опрема, четворица пожарникари успеале да го извлечат на безбедно.

Рајковиќ е хоспитализиран во никшиќката болница со повеќекратни повреди, но е во стабилна состојба. Лекарите велат дека имал среќа што преживеал.

„Пациентот не се сеќава точно како се случила несреќата. Цела ноќ ја поминал држејќи се за две гранки и вели дека не знае како ја преживеал со оглед на сериозноста на повредите“, изјави д-р Зоран Мркиќ, директор на болницата во Никшиќ за ТВЦГ.

Исчезнувањето на Рајковиќ беше пријавено синоќа, а тој беше забележан дури утрово над кањонот на реката Бијела. Следеше драматична спасувачка операција, во која учествуваа пожарникари од Шавник, со помош на колеги од Никшиќ.

„Бевме информирани дека возилото слетало во провалија длабока околу 50 метри и дека под автомобилот има лице кое покажува знаци на живот. Веднаш ја активиравме екипата и отидовме на терен“, изјави Горан Трипковиќ од Службата за заштита и спасување на Никшиќ.

Тој додаде дека пожарникарите од Шавник биле принудени да започнат многу ризична операција за спасување поради недостаток на опрема.

„Четири лица успеаја да го извлечат човекот со едно возило. Знаејќи дека губи сила, мораа брзо да дејствуваат. Благодарение на нивната храброст и вештина, беше спасен еден човечки живот. Им честитаме за нивната исклучителна акција“, рече Трипковиќ.

Рајковиќ моментално се опоравува на одделот за интензивна нега. Според лекарите, тој претрпел повеќекратни фрактури на ребрата, контузија на белите дробови со присуство на крв и воздух во градите, како и делумни повреди на ‘рбетот во торакалниот регион, пренесува Беране.