Викендов Северина (51) имаше настап во хотел во Јахорина. Таа на социјалните мрежи го сподели најемотивниот момент од вечерта, а видеото за помалку од 15 часа од објавувањето собра над 2.500.000 прегледи и 110.000 лајкови.
– Тоа што не ме уби, нема ни да ме убие. Na njima kola nek’ se slome – напишала пејачката во описот на видеото каде ја изведува ‘Rođeno moje’, песна која му ја посвети на синот.
„Колку тага во очите и срцето, држи се Севе“, „Правдата ќе победи“, „Женска храброст“ се само дел од над 3.000 коментари за поддршка на Северина.
Мислеа дека нема да дојдам…
Пред настапот Северина одржа говор во кој им се заблагодари на сите кои и дадоа поддршка.
– Мислеа дека нема да дојдам, дека ќе откажам. Моја обврска и должност беше да се појавам овде денес. Четири дена не станав од кревет, а потоа станав и морав да се облечам, да се шминкам, да направам фризура и да ви се поклонам. Најпрво сакам да им се заблагодарам на малите и немоќни жени кои ми дадоа сила, како што рече претседателот на Врховниот суд, големи и моќни, што овие денови наоѓам сила секое утро да станам од кревет и лично да ви се заблагодарам на сите вас, кои ме опсипувате со неизмерна љубов – изјавила пејачката.
Веќе неколку дена во јавноста се бурни реакциите за одлуката на Врховниот суд со која се поништува пресудата за заедничко старателство на Северина и Милан Поповиќ, а детето му е вратено на таткото.