Познатата грчка пехачка Елена Папаризу беше однесена во болница во раните утрински часови на 8 декември, бидејќи по завчерашната проба на „Гласот на Грција“ се чувствувала многу лошо и било оценето дека е потребна нејзина хоспитализација.
Пејачката ќе ги направи потребните тестови и поради оваа причина нема да може да ги исполни своите закажани професионални обврски во наредните денови.
Во соопштението од нејзината издавачка куќа, MINOS EMI, меѓу другото се наведува дека се извинува и бара разбирање од јавноста:
„Елена Папаризу беше итно примена во болница во раните утрински часови на 8 декември, бидејќи по вчерашната проба на „Гласот на Грција“ се чувствуваше многу лошо и нејзината хоспитализација беше оценета како неопходна. Елена Папаризу ќе ги помине потребните тестови и затоа нема да може да ги извршува своите закажани професионални обврски во наредните денови. Нашата сакана Елена се извинува и бара разбирање од нас. Од срце ѝ посакуваме брзо закрепнување и брзо враќање во секојдневниот живот.“
Информациите од околината на пејачката зборуваат за зголемени професионални обврски, што веројатно предизвикало премореност, додека нејзиното семејство и колегите со нетрпение ги чекаат резултатите од тестовите што ќе фрлат светлина врз причините за нејзината ненадејна болест.