Ана-Маја Казаријан (23), шахистка од Холандија, мајстор на ФИДЕ и поранешен европски шампион до 16 години, е казнета со 100 евра и принудена да носи штикли на турнирот на кој неодамна учествувала.
Имено, Меѓународната шаховска организација (ФИДЕ) наметнува кодекси на облекување на меѓународните натпревари и не дозволува шахистите и шахистките да носат влечки или шорцеви, а оделата често се задолжителни на најважните светски натпревари.
Еден од судиите ме застана и ме праша дали можам да ги сменам моите патики, бидејќи тие беа „чудни патики“ и не се сметаа за соодветни. Навистина ме боли да одам во потпетици и апсолутно не сакам да ги користам, вели таа.
Легендарната шахистка Сузан Полгар ја обвини Меѓународната шаховска федерација за двојни стандарди.
„Овие патики (неспортски) што ги носи една жена не се прифатени и доби казна од 100 евра. Но, видов фотографии од мажи кои носат патики и тие не беа санкционирани. Зошто да користите двојни стандарди“, напиша Полгар на Твитер.