Запросувањето на еден маж на бејзбол натпревар во САД се претвори во фијаско кога тој ja праша девојката „Дали ќе се омажиш за мене?“, но наместо прстен од кутивчето ѝ подари лижавче.
Предлогот за брак започна со најдобри предзнаци за човекот, бидејќи официјалните лица на стадионот каде Торонто Блу Џејс играа против Бостон Ред Сокс Мејџор минатиот викенд, ја забележаа двојката и под впечаток дека сè ќе се одвива без проблеми, тие решија да го емитуваат запросувањето на џиновскиот екран.
Меѓутоа, работите испаднаа сосема поинаку. На почетокот мажот ја запре својата девојка додека таа се симнуваше по скалите, ја бакна, ѝ рекол „Те сакам“ и клекна на едно колено за да продолжи со предлогот за брак.
Сепак, следниот потег на идниот младоженец се покажа како катастрофален бидејќи од кутивчето што го извади од џебот наместо прстен имаше лижавче.
Кога го виде ова, младата дама му удри шлаканица на партнерот велејќи: „Што се случува со тебе?“, додека го полила и со пијалокот што го држела во раце.
Видеото, сепак, предизвика многу дискусии на социјалните мрежи, а некои корисници тврдат дека момчето всушност имало намера да ѝ подари вистински прстен на својата партнерка, тврдејќи дека имал помало кутивче во левиот џеб. Погледнете ја снимката: