37 годишната Љубица избркана од плажа во Грција со своите две мали деца

Самохраната мајка Љубица Ј.(37) од Јагодина доживеала голема непријатност минатата недела кога се одмарала на грчка плажа во Неа Флогита, омилена дестинација и на многу Македонци.

Сопственикот на пансионот во кој престојувала со двете малолетни деца Марко (10) и Дуња (5) ја избркал од објектот само затоа што јадела колачиња кои не ги купила на лице место на плажата која е дел од ова сместување.

Своето незадоволство Љубица го сподели во една од групите на „Фејсбук“ каде туристи од Србија, но и од целиот регион споделуваат искуства поврзани со одморите во Грција, а Љубица за Нова.рс раскажува дека се’ уште не може да поверува што ѝ се случило.

По нејзиното искуство, на социјалните мрежи почнаа да се откриваат некои „нови правила“ на грчките ресторани, поради што на туристите им се крена косата.

„Секоја година одиме на одмор и вакво нешто никогаш не ни се случило. Престојувавме во еден пансион каде имавме појадок и вечера, а за ручек се снаоѓавме-или јадевме на плажа или одевме во ресторан, сеедно. Понекогаш ќе купевме нешто во градот, па го јадевме во пансионот. А потоа еден ден не’ пречека сцена како од хорор филм“, се присетува Љубица.

Четвртиот ден од одморот таа и децата на плажата извадиле колачи кои ги купиле попатно.

„Децата видоа колачи во слаткарница и иако имавме разновидни чајни бисквити за појадок во хотелот, тие сепак сакаа нешто поинакво. На сите им купив по две торти, ни ги спакуваа, добивме вилушки и се упативме на плажа. Штом стигнавме, ја отворивме пластичната кутија и почнавме да ги јадеме. Токму во тој момент се појави еден дечко кој ни рече да ги спакуваме колачиња во кеса бидејќи е строго забрането да се јаде храна што не е купена на плажа“, раскажува оваа туристка.

И таа и децата, како што вели, останале запрепастени од потегот, но сепак ја сфатиле ситуацијата.

„Прашав зошто, а тој ми одговори дека политиката на хотелот е таква што на оваа плажа, каде што, инаку, пливаат гости од друг хотел, е забрането да се јаде храна што не е од нивниот локал и ресторан. Добро, иако одговорот ми е тотално глупост, децата се деца, што има лошо во грицкањето, но во ред. Тоа е како кога ќе влезеш во ресторан да се напиеш нешто, а од чантата ќе извадиш жу жу погачици или нешто слично. Сфаќам, навистина“, вели Љубица.