Учесникот во регионалното реално шоу „Парови“, Димитрија Мијатов (42) вчера беше пронајден мртов во пекара во Белград. Со реакција се јави и неговиот брат Филип Мијатов.

Филип Мијатов беше учесник во „Задруга“, а минатата година самоволно го напушти реалното шоу, по што беше дисквалификуван. Неговиот брат, покојниот Димитрије Мијатов, остави зад себе болен син кој живее со својата мајка во Доминиканска Република.

Во оваа трагична прилика, Филип се огласи на Инстаграм.

– Ви благодарам на сите за пораките. Навистина немам сила да им одговорам на сите. Извинете, напиша тој на Инстаграм.

Покрај тоа, тој објави слика од неговиот покоен брат со зборовите:

„Почивај во мир, ангелите нека те чуваат“.

За време на учеството во „Парови“, Димитрија Мијатов рече дека бил во затвор во Грција и Доминиканска Република, а исто така призна дека ограбил продавници и тоа е причината зошто завршил зад решетки.

Тој исто така бил вклучен и во други незаконски активности, за кои зборувал и во реалното шоу.

– Имав лажни документи во Грција, а во Доминиканската Република ги вадев клима уредите од зградите. Јас бев организатор на таа акција, изјави во една прилика, а другиот учесник Милутин Радосављевиќ Мили, откри дека неговиот цимер ограбил старица во центарот на Белград и дека десет години бил во бегство.