На 1 мај 2013 година ништо не ја навестуваше трагедијата во соседна Србија. Радосната прослава брзо се претвори во хорор.
Имено, Александра Пантовиќ одлучила со дваесетина пријатели празникот да го прослави во колиба во селото Обрва кај Краљево. Таму отишле на 30 април. Додека другите го поставувале шаторот во дворот, Александра влегла во дрвената куќа. Одеднаш дошло до експлозија и избувнал пожар. Пријателите се обиделе со џип да влетаат во колибата и да ја спасат својата пријателка, но покривот се урнал.
Нејзините пријатели го слушнале крикот и нејзиниот повик за помош, но не можеле да направат ништо. Во моментот на пожарот најверојатно пожарот бил гасен со вода, која само уште повеќе го разгорела.
Пожарот кој избувна од плинската боца, а потоа се прошири и на кантите со бензин, за еден час ја зафати малата, дрвена викендица, толку брзо што Александра немаше време да се спаси, пишуваат медиумите.
Момчињата запалија оган до викендицата за да испечат свиња. Плинската боца беше отворена, а бензинскиот генератор беше вклучен. Се претпоставува дека несреќната девојка се онесвестила од сите испарувања и не можела да побегне од запалената куќарка.
-Девојката најверојатно се задушила од сите тие испарувања и се струполила обидувајќи се да ја отвори вратата. Таванот потоа се срушил врз неа. Испарувањата најверојатно довеле до експлозијата – изјави тогаш Радојица Качаревиќ, раководител на Одделот за вонредни состојби во Краљево.
– Мајка ми и јас први пристигнавме на местото на пожарот. Во неколку наврати се обиде да ѝ се јави на сестра ми, а бидејќи Александра не одговараше, зедовме такси и отидовме таму. Беше ужасно! Куќата изгоре до темел, а телото на сестра ми беше до вратата одвнатре – раскажува за Курир братот на Александра, Александар (16) низ солзи.
Дрвената куќа изгорела како кутија кибритчиња, а пожарникарите кои многу брзо пристигнале не можеле ништо да направат за да го спасат девојчето.