Од правилна бременост и подготовка за најсреќниот момент, вчера семејството Златковиќ излегоа сами од болница, да го подготват погребот, а не прославата…

Бебето што го роди Милјана Златковиќ (21) од Бело Поле почина во понеделникот во болницата во Пирот. Како што објавија српските медиуми, момчето се родило со тежина четири ипол килограми, а докторите неговата мајка ја породувале цели 20 часа. По раѓањето, бебето било префрлено во клиничкиот центар во Ниш без знаци на живот. Наредена е обдукција на детето со цел да се утврдат причините за смртта.

Од правилна бременост и подготовка за најсреќниот момент, Златковиќ вчера ја напуштија болницата сами, за да го подготват погребот, а не прославата. Таткото на починатото бебе, Винко Златковиќ (34), најде сила да зборува за српски Курир за трагедијата што ги снајде.

– Во неделата наутро, околу девет часот, ја однесов сопругата во болница. Имаше нормална бременост, сите прегледи беа во ред. И нејзе и бебето ги оставив здрави. Отидов дома, разговаравме по телефон, таа се пожали на болка и рече дека наскоро ќе и го земат телефонот, раскажува Винко.

Бидејќи веќе не се слушале, Винко се обидел да добие информации за бебето и неговата сопруга со јавување во болницата во Пирот, каде што не му дале никакви информации.

– Ме фати паника попладнето околу 16 часот бидејќи никој ништо не ми јавуваше. Се обидов и во девет навечер, за подоцна да ми кажат дека сме досадни и да престанеме да се јавуваме, дека Милјана ќе ни се јави кога ќе се породи. Милјана се породила дури во текот на ноќта, околу 15 до 3 утрото, но никој не ни кажа. Нејзината сестра, која работи во болница како чистачка, во шест часот наутро дознала дека бебето не е добро, дека е префрлено во Ниш, а мене за тоа ми јави мајката на мојата сопруга, изјави тој, кој утрото отишол во болница за да дознае што се случило.

Лекарот што го примил бил шокиран и рекол дека „нешто не е во ред со бебето“.

– Ни рекоа да го чекаме педијатарот. Кога дојде педијатарот, ни ја кажаа најлошата вест, која пристигна од клиниката во Ниш. Не сме ни сигурни каде почина нашето дете, можеби за време на транспортот. Знам само дека сега ја напуштаме болницата сами, без дете и дека ова е најлошата трагедија што можеше да ни се случи.

Мајката Милјана е во добра здравствена состојба, но е вознемирена поради се што се случило.

– Сопругата цела ноќ имаше болки. Бебето беше големо – 4,5 килограми. Тоа ќе бешео наше прво дете, а сега го нема … – рече Винко во солзи, велејќи дека сега чекаат извештај од обдукција која ќе ја покаже точната причина за смртта на нивното дете.